Andhra Pradesh Men wear sarees for Holi in Kurnool | చీరలు కట్టిన మగాళ్లు.. ఎందుకో తెలిస్తే షాక్ (AP)

[TELUGU]

Kurnool News: హోలీ రోజు వింత ఆచారం - మహిళల వేషధారణలో పురుషులు, ఎక్కడంటే?

Holi Different Ritual: హోలీ రోజున ఆ గ్రామంలో యువకులు చీర కట్టుకుని ఆడవారి వేషధారణలోకి మారిపోతారు. వారు ఎందుకలా చేస్తారు.? ఇంతకీ ఆ గ్రామం ఎక్కడ ఉందో.. తెలుసా.!

Holi Different Ritual in Kurnool District: హోలీ అంటే మనకు వెంటనే గుర్తొచ్చేది రంగులు చల్లుకోవడం, కాముని దహనం. పండుగ సందర్భంగా చిన్న పెద్దా అనే తేడా లేకుండా ఒకరిపై ఒకరు రంగులు చల్లుకుంటూ ఆద్యంతం సంబరాల్లో మునిగి తేలుతారు. రంగుల నీళ్లు చల్లకుంటూ డ్యాన్సులు చేస్తూ సందడి చేస్తారు. అయితే, ఆ గ్రామంలో యువకులు మాత్రం హోలీ రోజున వింత ఆచారం పాటిస్తారు. చీరలు కట్టుకుని ఆభరణాలు, పువ్వులతో సింగారించుకుని.. ఆడవారి వేషధారణలో మారిపోతారు. వారు ఎందుకలా చేస్తారో తెలియాలంటే ఇది చదవాల్సిందే.

కర్నూలు (Kurnool) జిల్లా ఆదోని (Adoni) మండలం సంతకుళ్లారు గ్రామం. ఈ గ్రామస్థులు హోలీ రోజున అనాదిగా ఓ వింత ఆచారాన్ని పాటిస్తున్నారు. అదేంటంటే.. హోలీ రోజున పురుషులు మహిళల వేషధారణలోకి మారతారు. చీర కట్టుకుని, పువ్వులు పెట్టుకుని.. ఆభరణాలు సింగారించుకుంటారు. ఆ స్త్రీ వేషధారణతో రతీ మన్మథులకు ప్రత్యేక పూజలు చేస్తారు. ఇలా చేస్తే తాము కోరిన కోర్కెలు తీరుతాయని వారి నమ్మకం. పెళ్లి కాని అబ్బాయిలు వివాహం కోసం, నిరుద్యోగులు కోరుకున్న ఉద్యోగం కోసం, అనారోగ్య సమస్యలు, కోరిన కోర్కెలు తీరాలంటే ఇలా హోలీ రోజున ఆలయంలో పూజిస్తే అవి నెరవేరుతాయని వారు విశ్వసిస్తారు. తరాతరాల నుంచి తాము ఈ సంప్రదాయం కొనసాగిస్తున్నట్లు గ్రామస్థులు వెల్లడించారు.

మరో ఆచారం

ఇదే కర్నూలు జిల్లా ఎమ్మిగనూరులో తమిళనాడుకు చెందిన కొందరు భక్తులు తమ ఇలవేల్పు సుబ్రహ్మణ్య స్వామి రథోత్సవం ప్రతి ఏడాది ఘనంగా నిర్వహిస్తారు. తమిళనాడులో జిల్లాల నుంచి భక్తులు పెద్ద ఎత్తున ఈ వేడుకలో పాల్గొంటారు. సుబ్రహ్మణ్య స్వామిని సేవిస్తే అనారోగ్య సమస్యలు, వివాహం, సంతానం సమస్యలు తొలగుతాయని భక్తుల విశ్వాసం. అదే నమ్మకంతో భక్తులు వారి దవడలు, వీపునకు పొడవాటి ఇనుప కడ్డీలు గుచ్చుకుని భక్తిని చాటుకుంటారు. ఇలా చేస్తే కోరిన కోర్కెలు నెరవేరుతాయని.. ఇది తమ పెద్దల నుంచి వస్తోన్న ఆనవాయితీ అని పేర్కొంటున్నారు.

...

Complete article

[TELUGU]

Kurnool | కర్నూలు జిల్లాలో వింత ఆచారం..! మ‌గాళ్లు మ‌గువ‌ల్లా మారి ఆ దేవుడికి పూజ‌లు

Kurnool | క‌ర్నూల్ జిల్లాలో వింత ఆచారం వెలుగులోకి వ‌చ్చింది. మ‌గాళ్లు మ‌గువ‌ల్లా మారి.. ర‌తి మ‌న్మ‌ధుల‌కు ప్ర‌త్యేక పూజ‌లు నిర్వ‌హించారు. ఈ ఆచారం ఎప్ప‌ట్నుంచో కొన‌సాగుతోంద‌ని స్థానికులు తెలిపారు. ప్ర‌తి ఏడాది హోలీ పండుగ ప్రారంభ‌మైన‌ప్ప‌టి నుంచి వారం రోజుల పాటు ఇలాగే త‌యారై పూజ‌లు నిర్వ‌హిస్తామ‌ని స్థానికులు తెలిపారు.

Kurnool | క‌ర్నూల్ : క‌ర్నూల్ జిల్లాలో వింత ఆచారం వెలుగులోకి వ‌చ్చింది. మ‌గాళ్లు మ‌గువ‌ల్లా మారి.. ర‌తి మ‌న్మ‌ధుల‌కు ప్ర‌త్యేక పూజ‌లు నిర్వ‌హించారు. ఈ ఆచారం ఎప్ప‌ట్నుంచో కొన‌సాగుతోంద‌ని స్థానికులు తెలిపారు. ప్ర‌తి ఏడాది హోలీ పండుగ ప్రారంభ‌మైన‌ప్ప‌టి నుంచి వారం రోజుల పాటు ఇలాగే త‌యారై పూజ‌లు నిర్వ‌హిస్తామ‌ని స్థానికులు తెలిపారు.

కర్నూల్ జిల్లా ఆదోని మండ‌లం సంతేకుళ్లురు గ్రామంలో ర‌తి మ‌న్మ‌ధులు అనే ఆయ‌లం ఉంది. ఇక్క‌డ మ‌గ‌వారు ఆడ‌వారి వేష‌ధార‌ణ‌లో వ‌చ్చి.. ర‌తి మ‌న్మ‌ధుల‌కు పూజ‌లు నిర్వ‌హించి, మొక్కులు తీర్చుకుంటారు. ఇది ఎన్నో ఏండ్ల నుంచి కొన‌సాగుతున్న సంప్ర‌దాయ‌మ‌ని స్థానికులు పేర్కొన్నారు.

ఈ సంద‌ర్భంగా ఓ యువ‌కుడు మాట్లాడుతూ.. సాధార‌ణంగా హోలీ పండుగ వ‌చ్చిందంటే రంగుల‌తో పండుగ‌ జ‌రుపుకుంటారు. కానీ త‌మ గ్రామంలో మ‌గ‌వారు స్త్రీల వేషం వేసుకుని ర‌తి మ‌న్మ‌ధుల‌కు పూజ‌లు నిర్వ‌హించి కోరిక‌లు కోరుతారు. ఈ పూజ‌లు నిర్వ‌హించ‌డం ద్వారా కుటుంబాల‌ను చ‌ల్ల‌గా చూస్తాడ‌ని, వ్యాపారంలో, ఆరోగ్యంలో మంచి ఫ‌లితాలు వ‌స్తాయ‌ని న‌మ్మ‌కం. గ‌త ఏడు సంవ‌త్స‌రాల నుంచి తాను ఈ వేష‌ధార‌ణ‌లో వ‌చ్చి పూజ‌లు నిర్వ‌హిస్తున్నాను. తన నాన్న ఆరోగ్యం బాగాలేక‌పోతే వైద్యుల‌కు చూపించాం. కానీ మెరుగు ప‌డ‌లేదు. తాత ఆదేశాల మేర‌కు నాన్న ఆడ‌వారి వేష‌ధార‌ణ‌లో వ‌చ్చి పూజ‌లు నిర్వ‌హించిన త‌ర్వాత బాగైంది. ఆ త‌ర్వాత నాన్న ఆదేశంతో తాను కూడా ప్ర‌తి ఏడాది ఒక రోజు ఇలా మ‌గువ‌ల మారి పూజ‌లు నిర్వ‌హిస్తున్నాను. తాను కోరిన కోరిక‌ల‌న్నీ తీర్చుతున్నాడు ఆ దేవుడు. ఈ వారం రోజుల పాటు పూజ‌లు నిర్వ‌హిస్తే ఆ దేవుడు మ‌మ్మ‌ల్ని కాపాడుతాడ‌ని గ్రామ‌స్తుల న‌మ్మ‌కం అని యువ‌కుడు కేదార్‌నాథ్ తెలిపారు.

...

Complete article